1 USD - 478.42AMD
1 RUR - 7.43AMD
1 EUR - 517.55AMD
1 GBP - 617.07AMD
1 GEL - 167.09AMD
24.02.2020 | 16:11

1 USD - 64.3008RUR
1 EUR - 1.0819USD
1 GBP - 1.2838USD
Նավթ (WTI) - $52.21բարել
Ոսկի (Gold) - $53.51գրամ
Արծաթ - $601.38կգ
Մոլիբդեն - $24000/տոննա
Պղինձ - $5701.00/տոննա
Ալյումին - $1676.00/տոննա

uSave ստարտափը կօգնի գումար խնայել ապագա ցանկությունների համար

0

Հայկական uSave ֆինտեխ ստարտափը մշակում է նորարարական լուծումներ, որոնց շնորհիվ օգտատերերը կկարողանան հեշտությամբ եւ նույնիսկ առանց նկատելու գումար խնայել՝ չվնասելով սեփական բյուջեն:

Ստարտափի հիմնադիրներն են ֆինանսաբանկային եւ ՏՏ ոլորտում երկարամյա փորձ ունեցող Տիգրան Մկրտչյանը, Դավիթ Մկրտումյանը եւ Գեւորգ Ազիզխանյանը:

Նրանք Banks.am-ին պատմել են, որ Android եւ iOS համակարգերի համար մշակվող անվճար հավելվածում, ինչպես նաեւ usave.am կայքում հայաստանյան բոլոր բանկերի քարտապանները, մեկ անգամ գրանցելով իրենց քարտերը, կկարողանան նպատակային խնայողություններ կատարել իրենց անունով ստեղծվող «uSave» խնայողական հաշիվներում:

«Վերջին երկու տարիներին, ուսումնասիրելով ամերիկյան հավելվածների գրանցած հաջողությունները եւ հաշվի առնելով հայաստանյան շուկայում համանման ծառայության բացակայությունը, այս տարվա մարտին Դավիթի եւ Գեւորգի հետ որոշեցինք մեր հայրենակիցներին ցույց տալ, որ խնայելը կարող է լինել հեշտ եւ հաճելի»,- նշել է Տիգրան Մկրտչյանը:

Նրա խոսքով՝ հավելվածում օգտատերերը երկու եղանակով կկարողանան խնայել՝ ավտոմատ ալգորիթմի միջոցով եւ ինքնուրույն։ Նման համադրության շնորհիվ ստարտափի հեղինակները կօգնեն օգտատերերին խնայելը դարձնել սովորույթ եւ բարձրացնել հավելվածի արդյունավետությունը։

«Դե իսկ պրոդուկտի զարգացման եւ առաջխաղացման համար օգտվելու ենք պոզիտիվության եւ վարքագծային հոգեբանության կանոնների համադրությունից»,- հավելել է uSave-ի համահիմնադիրը:

Ներկայում ստարտափը հավելվածի ստեղծման եւ բանկերի ու վճարահաշվարկային կազմակերպությունների հետ ակտիվ բանակցությունների փուլում է:

Նպատակն է մեկ միասնական համակարգի միջոցով հնարավորություն տալ հայաստանյան բոլոր բանկերին ու նրանց հաճախորդների օգտվել uSave-ի ծառայություններից:

Հավելվածը նախատեսվում է գործարկել Խնայողությունների միջազգային օրը՝ հոկտեմբերի 31-ին:

Իսկ մինչ այդ ստարտափը մասնակցելու է արդեն ավանդական դարձած Sevan Startup Summit-ին:

Share.